Трэнінгі і Сеткавае супрацоўніцтва ў Акцыі 3.1

Супрацоніцтва і партнёрства, сродкі навучання і абмен карысным досведам гэта істотныя ўмовы развіцця моладзевых арганізацый, грамадзянскай супольнасці і ўсіх, хто працуе з моладдзю.

Мэты:

• Дапамога ў развіцці праектаў Моладзевых Абменаў і EVS;
• Уклад у дасягненне мэтаў Праграмы "Моладзь у Дзеянні";
• Падтрымка ў пошуку партнёраў;
• Прасоўванне і ўзмацненне Еўрапейскай моладзевай палітыкі;
• Папулярызацыя абмену досведам, супрацоўніцтва і навучання ў працы з моладдзю ў Еўропе.

8 дзеянняў, якія даступныя для Міжнароднага Супрацоўніцтва з Партнёрскімі Краінамі:

1. Стажыроўка - гэта актыўны ўдзел у працы партнёрскай арганізацыі з іншай краіны. Яна мае на мэце набыццё ведаў і навыкаў, абмен карысным досведам.
2. Падрыхтоўчая паездка - кароткая сустрэча з патэнцыйнымі партнёрамі, з мэтай падрыхтоўкі для будучай дзейнасці ў межах Праграмы "Моладзь у Дзеянні".
3. Ацэначная сустрэча - запланаваная з партнёрамі сустрэча, з мэтай ацаніць мінулыя мерапрыемствы, семінары, трэнінгавыя курсы.
4. Навучальны візіт - сустрэча моладзевых працаўнікоў, якая дае магчымасць пазнаць умовы працы з моладдзю ў іншых краінах.
5. Мерапрыемствы для развіцця партнёрства - гэтая дзейнасць дае арганізацыям магчымасць знайсці партнёраў для міжнароднага супрацоўніцтва і/ці распрацоўкі праектаў.
6. Семінар - абмен досведам і карыснымі практыкамі ў кантэксце Праграмы "Моладзь у Дзеянні".
7. Трэнінгавы курс - адукацыйная навучальная праграма па адмысловым тэмам, з мэтай павышэння кампетэнцый, ведаў, уменняў і здольнасцяў удзельнікаў.
8. Сеткавае супрацоўніцтва - дзейнасць, скіраваная на стварэнне новых сувязяў або ўзмаценне і пашырэнне ўжо існуючых у межах Праграмы "Моладзь у Дзеянні".

Фармальныя крытэрыі:

Удзельнікі:

• Моладзевыя работнікі;
• Трэнеры;
• Адукатары;
• Мэнэджэры праектаў;
• Моладзевыя лідэры;
• Групы моладзі;
• Іншыя, зацікаўленыя працай з моладдзю;
• Без узроставых абмежаванняў.

Партнёры:

• Стажыроўкі і Падрыхтоўчыя паездкі ўключаюць мінімум аднаго партнёра з Суседняй Партнёрскай Краіны і аднаго з краіны ЕС;
• Ацэначныя сустрэчы, Навучальныя візіты, Развіццё партнёрства, Семінары і Трэнінгавыя курсы уключаюць не менш за чатырох партнёраў (мінімум адзін з краіны ЕС і два з Партнёрскіх Краін);
• Сеткавае супрацоўніцтва аб'ядноўвае не менш за шэсць партнёраў (мінімум адзін з краіны ЕС і тры з Партнёрскіх Краін);
• Праекты павінны імкнуцца да раўнавагі паміж колькасцю Праграмных і Партнёрскі краін.

Месца:

• Мерапрыемтсва можа адбывацца або ў Праграмнай краіне, або ў Суседняй Партнёрскай Краіне, прыцягнутай да праекту, акрамя Міжземнаморскіх краін.

Фінансаванне:

• Праекты "Моладзь у Дзеянні" фінансуюцца сумесна, то бок, акрамя грантаў Праграмы, патрэбная не менш чым адна дадатковая крыніца фінансавання, каб пакрыць поўны кошт праекта;
• Кошты падарожжа кампенсуюцца ў памеры 70%;
• Грант Супольнасці заснаваны на камбінацыі сталых ставак і актуальных коштаў.