Моладзь для Еўропы (Моладзевыя Абмены) у Акцыі 3.1

Моладзевыя Абмены спрашчаюць сустрэчы маладзёнаў з розных краін і асяроддзяў, даюць ім унікальную магчымасць пазнаць сябе, дыскутаваць і супастаўляць розныя меркаванні, будаваць атмасферу разумення і павагі для іншых культур і нацыянальных асаблівасцяў, карыстаючыся метадамі нефармальнай адукацыі.

Якія мэты Моладзевых Абменаў?

• Распаўсюджванне фундаментальных еўрапейскіх вартасцяў сярод моладзі, у прыватнасці павагі да чалавечай годнасці, роўнасці, правоў чалавека, талеранцыі і недыскрымінацыі, улічваючы маладзёнаў з абмежаваннямі;
• Развіццё мабільнасці сярод моладзі ў Еўропе;
• Развіццё міжкультурнага навучання ў моладзевым асяроддзі;
• Заахвочванне да ініцыятыўнасці, прадпрымальнасці і крэатыўнасці;
• Прадстаўленне магчымасцяў нефармальнага і неафіцыйнага навучання ў еўрапейскім кантэксце і стварэнне інавацыйных магчымасцяў у сувязі з актыўнай грамадзянскасцю, асабліва для моладзі з меншымі магчымасцямі.

Фармальныя крытэрыі:

Удзельнікі:

• 16-60 удзельнікаў, ва ўзросце паміж 13 і 25 (не ўлічваючы лідэраў групы);
• Невялікая колькасць удзельнікаў можа быць старэйшай за 25 гадоў (але не старэйшай за 30).

Працягласць:

• Абмен павінен працягвацца ад 6 да 21 дзён, выключаючы падарожжа;
• Працягласць праекту, уключаючы падрытоўку, правядзенне, ацэнку і дзейнасць звязаную з працягам, можа складаць да 15 месяцаў.

Месца:

• Праект можа адбывацца або ў Праграмнай Краіне, або ў Суседняй Партнёрскай Краіне, якая ўдзельнічае ў праекце (з выключэннем Міжземнаморскіх партнёрскіх Краін).

Тыпы моладзевы абменаў:

• Двухбаковыя, трохбаковыя і шматбаковыя абмены;
• Двубаковыя абмены прызначаныя для тых партнёрскі груп, якія раней не арганізоўвалі моладзевых абменаў;
• Шматбаковыя абмены гэта тыя, дзе задзейнічаны не менш за 4 краіны (мінімум 2 партнёры з Суседніх Партнёрскіх Краін).

Тэма:

• Моладзевы абмен павінен мець тэматычную канцэпцыю, якую партнёры збіраюцца разам даследваць і суадносіць з іх штодзённым досведам. Выбраная тэма павінна быць раскладзена на канкрэтныя штодзённыя дзеянні ў межах мерапрыемства. Прыклады тэм: удзел моладзі ў грамадстве, змаганне з расізмам і ксенафобіяй, міжэтнічны і міжрэлігійны дыялог, пост-канфліктныя рашэнні і адбудова, гістарычная спадчына і ахова навакольнага асяроддзя.

Партнёры:

• Як мінімум адна краіна-сябра ЕС павінна ўдзельнічаць у праекце;
• Трэба імкнуцца да балансу паміж колькасцю Праграмных і Партнёрскіх Краін, што бяруць удзел у праекце;
• Партнёрскія групы павінны прадстаўляць:
• некамерцыйную арганізацыю або асацыяцыю, або
• мясцовы ці рэгіянальны публічны орган, або
• нефармальную групу моладзі.

Моладзевы абмен гэта не:

• статутная сустрэча арганізацыі;
• вакацыйнае падарожжа/турызм;
• курс замежнай мовы;
• школьны абмен;
• студэнцкая навучальная паездка;
• гастролі/турнэ;
• працоўны летнік;
• фестываль;
• спаборніцтва/турнір;
• прыбытковая дзейнасць.

Фінансаванне:

• Праекты Моладзь у Дзеянні фінансуюцца сумесна, то бок, акрамя грантаў Праграмы, патрэбная не менш чым адна дадатковая крыніца фінансавання, каб пакрыць поўны кошт праекта;
• Кошты падарожжа кампенсуюцца ў памеры 70%;
• Грант Супольнасці заснаваны на камбінацыі сталых ставак і актуальных коштаў.