Магчымасці Супрацоўніцтва з Усходняй Еўропай і Каўказам (ЕЕСА)

Што такое Праграма "Моладзь у Дзеянні"?

"Моладзь у Дзеянні" гэта новая Праграма Еўрапейскага Саюза ў галіне моладзі, якая ажыццяўляецца з 1 студзеня 2007 да 31 снежня 2013 з агульным бюджэтам 885 мільёнаў еўра. Гэта працяг Праграмы МОЛАДЗЬ (2000-2006).

Праграма "Моладзь у Дзеянні" робіць істотны ўнёсак у набыццё кампетэнцый і з'яўляецца асноўным інструментам у прадстаўленні моладзі магчымасцяў нефармальнага і неафіцыйнага навучання ў еўрапейскім кантэксце.

Задачы Праграмы "Моладзь у Дзеянні":

• Папулярызаваць актыўную грамадзянскасць моладзі ўвогуле і яе еўрапейскую грамадзянскасць у прыватнасці;
• Развіваць салідарнасць і прасоўваць талеранцыю сярод моладзі, у прыватнасці дзеля большай сацыяльнай згуртаванасці у Еўрасаюзе;
• Спрыяць узаемаразуменню паміж моладдзю з розных краін;
• Садзейнічаць развіццю якасці сістэм падтрымкі моладзевай актыўнасці і магчымасцяў грамадзянскай супольнасці ў галіне моладзі;
• Распаўсюджваць еўрапейскае супрацоўніцтва ў галіне моладзі.

Прыярытэты Праграмы "Моладзь у Дзеянні":

• Еўрапейская грамадзянскасць - усведамленне маладым людзям таго, што яны з'яўляюцца грамадзянамі Еўропы і прадстаўленне ім магчымасці роздуму на еўрапейскія тэмы;
• Удзел моладзі - актыўны ўдзел маладзёнаў у грамадскім жыцці іх супольнасцяў і падтрымка розных формаў навучання ўдзелу;
• Культурная разнастайнасць - дапамога ў сумесных дзеяннях сярод моладзі з розных культурных, этнічных і рэлігійных супольнасцяў, якая мае на мэце развіццё міжкультурнага навучання;
• Інтэграцыя моладзі з меншымі магчымасцямі - удзел маладзёнаў з менш прывілегіяваных адукацыйных, сацыяльна-эканамічных, культурных ці геаграфічных груп, або з перашкодамі для ўдзелу ў Праграме.

Хто можа ўдзельнічаць?

Праграмныя краіны:

• 27 краін-сяброў ЕС
• Краіны-ўдзельніцы Еўрапейскай асацыяцыі вольнага гандлю, члены Еўрапейскай Эканамічнай Прасторы: Ісландыя, Ліхтэнштэйн і Нарвегія
• Кандыдаты на ўваходжанне ў ЕС: Турцыя

Суседнія Праграмныя Краіны:

• Усходняя Еўропа і Каўказ (EECA): Арменія, Азербайджан, Беларусь, Грузія, Малдова, Расійская Федэрацыя, Украіна.
• Паўднёва-Усходняя Еўропа (SEE)
• Міжземнаморскія Партнёрскія Краіны (Euro - Med)

Партнёрскія Краіны з Усходняй Еўропы і Каўказу могуць супрацоўнічаць з Праграмнымі Краінамі і Партнёрскімі Краінамі з трох іншых рэгіёнаў (але Праграма "Моладзь у Дзеянні" асабліва зацікаўлена ў праектах, якія прыцягваюць Партнёрскія Краіны з аднаго рэгіёна).

Якую падтрымку прапануе Рэсурсны Цэнтр SALTO?

Мэтай Рэсурсных Цэнтраў SALTO ёсць дапамога ў павышэнні якасці праектаў у межах Праграмы "Моладзь у Дзеянні". Цэнтры SALTO прапануюць Нацыянальным Агенцтвам і іншым удзельнікам працы з моладдзю рэсурсы, інфармацыю і навучанне ў пэўных сферах, а таксама спрыяюць прызнанню нефармальнага навучання ў Еўропе і па-за яе межамі. Больш інфармацыі тут!

Для падрабязнай інфармацыі па Праграме "Моладзь у Дзеянні", калі ласка, наведайце інтэрнэт-старонку Еўрапейскай Камісіі ці Выканаўчага Агенцтва па справах Адукацыі, Аўдыёвізуальнага Сектара і Культуры.

 

Супрацоўніцтва з краінамі Ўсходняй Еўропы і Каўказу ў межах Праграмы "Моладзь у Дзеянні".

МЭТЫ СУПРАЦЫ З УСХОДНЯЙ ЕЎРОПАЙ І КАЎКАЗАМ

• Пашырэнне міру ва ўсім свеце праз заахвочванне да дыялогу, талеранцыі і салідарнасці сярод моладзі;
• Пабудова доўгатэрміновага, трывалага партнёрства;
• Абмен досведам і навінкамі ў працы з моладдзю паміж недзяржаўнымі і дзяржаўнымі структурамі ў краінах ЕС, Усходняй Еўропы і Каўказу;
• Развіццё валанцёрскага сектара і грамадзянскай супольнасці ў рэгіёне Усходняй Еўропы і Каўказу;
• Непасрэдная карысць для ўдзельнікаў - лепшае разуменне ўласнай сітуацыі і культуры.

ДЛЯ СУПРАЦОЎНІЦТВА З УСХОДНЯЙ ЕЎРОПАЙ І КАЎКАЗАМ ДАСТУПНЫЯ 2 АКЦЫІ:

• Акцыя 2 - Еўрапейская Валанцёрская Служба
• Акцыя 3.1 - Супрацоўніцтва з краінамі-суседзямі Еўрапейскага Саюза

Еўрапейская Валанцёрская Служба падтрымлівае ўдзел моладзі ў некамерцыйных, неаплочваемых дзеяннях.

Супрацоўніцтва з краінамі-суседзямі ЕС падтрымлівае дзейнасць у моладзевай сферы (у асноўным Моладзевыя Абмены і Трэнінгі і Сеткавае Супрацоўніцтва).

ЯК ПАДАЦЬ ЗАЯЎКУ?

Заяўку на фінансаванне праектаў дасылае ў сваё Нацыянальнае Агенцтва Праграмы "Моладзь у Дзеянні", ад імя ўсіх партнёраў, адна з арганізацый з Праграмнай Краіны.

Не прапусціце тэрмінаў падачы заявак!

Праект павінен быць пададзены не пазней за адну з наступных дат:

• 1 лютага
• 1 красавіка
• 1 чэрвеня
• 1 верасня
• 1 лістапада

УВАГА! Праект павінен пачацца не раней чым 3 месяцы пасля тэрміну падачы заяўкі.